ღონისძიებები

ღონისძიებები

სამოქალაქო ინსტიტუციონალიზმის განვითარების ფონდში საინფორმაციო–ანალიტიკური პორტალის პრეზენტაცია გაიმართა

30 ნოემბერს, არასამთავრობო ორგანიზაცია „ეკონომიკური პოლიტიკის ინსტიტუტმა“ „სამოქალაქო ინსტიტუციონალიზმის განვითარების ფონდის“ ოფისში საინფორმაციო–ანალიტიკური პორტალის ,,ჯორჯიან ბიზნეს ენდ პოლითიქალ ინსაით’’-ის (Georgian Business and Political Insight – www.bpi.ge) პრეზენტაცია გამართა. ვებ-გვერდის მიზანია, უზრუნველყოს ბიზნეს და პოლიტიკური ისტებლიშმენტი საჭირო და სასარგებლო ინფორმაციით, ხელი შეუწყოს ახალგაზრდა თაობის პროფესიულ განვითარებას.

საინფორმაციო–ანალიტიკური პორტალი ,,ჯორჯიან ბიზნეს ენდ პოლითიქალ ინსაით’’ შეიქმნა 2011 წელს, ,,ეკონომიკური პოლიტიკის ინსტიტუტის’’ მიერ, ,,სამოქალაქო ინსტიტუციონალიზმის განვითარების ფონდის’’ ფინანსური და ტექნიკური მხარდაჭერით. პორტალი ყოველდღიურ რეჟიმში ავრცელებს სიახლებს საქართველოში და რეგიონში ბიზნესის, ეკონომიკის, პოლიტიკის და განათლების სექტორში მიმდინარე მოვლენების შესახებ, პერიოდულად ატარებს ბიზნესის სექტორულ და მარკეტინგულ კვლევებს.

გამოკითხვების და კვლევების საფუძველზე ავლენს ბიზნეს–კომპანიების, სახელმწიფო სტრუქტურების, პოლიტიკური პარტიების და საგანმანათლებლო დაწესებულებების ობიექტურ რეიტინგებს, ავრცელებს ადგილობრივი და საერთაშორისო ანალიტიკოსების/ექსპერტების კომენტარებს და ქმნის ანალიტიკურ მასალებს, ავრცელებს და მხარს უჭერს საქართველოში და მის ფარგლებს გარეთ დაგეგმილ გამოფენებს, ფორუმებს, საინვესტიციო სამიტებს და კონფერენციებს, ატარებს საგანმანათლებლო ტრენინგებს სტუდენტებისთვის, ხელს უწყობს მათ პროფესიულ ზრდას და განვითარებას. პორტალი საშუალებას აძლევს სტუდენტებს, მოახდინონ საკუთარი თავის უკეთ რეალიზაცია, ვებ-გვერდი ხელს უწყობს ახალგაზრდებს, მოიძიონ მეტი საგანმანათლებლო რესურსი.

სამოქალაქო ინსტიტუციონალიზმის განვითარების ფონდთან არსებული „მენეჯმენტის სკოლა“ აცხადებს რეგიონალური პროექტების ეფექტური მართვის კურსს

კურსის ძირითად მიზანს წარმოადგენს მსემენლთათვის როგორც თეორიული ცოდნის გაღრმავება, ასევე პრაქტიკული უნარების განვითარება. კურსი ძირითადად განკუთვნილია ადგილობრივი თვითმმართველობების საშუალო და ზედა რგოლის მენეჯერებისთვის, ასევე სხვა სახელმწიფო, კერძო თუ არასამთავრობო სექტორში მოღვაწე საშუალო/ ზედა რგოლების მენეჯერებისთვის, რომლებიც მუშაობენ საქართველოში რეგიონალური პროექტების განხორციელებაზე. კურსი მოიცავს როგორც პროექტების მართვის ზოგადი მეთოდოლოგიისა და ტექნიკების შესწავლას, ასევე განსაკუთრებულ აქცენტს გააკეთებს საქართველოში რეგიონალური პროექტების მართვის თავისებურებებზე. კურსი დაეხმარება მსმენელებს გახდნენ უკეთესი მენეჯერები დისტანციურად განსახორციელებელი პროექტებისთვის. კურსი აგებულია ფართოდ აღიარებულ PMI მეთოდოლოგიაზე დაყრდნობით (Project Management Institute - www.pmi .org).

კურსი დაიწყება 2012 წლის 16 იანვრიდან ყოველ ორშაბათს, ოთხშაბათსა და პარასკევს, 17:00-20:00. ტრენინგზე დარეგისტრირება შესაძლებელია ორგანიზაციის ვებ-გვერდზე www.cidf.ge; რეგისტრაციის ბოლო ვადაა 2011 წლის 30 დეკემბერი, 18:00. შეხვედრები ჩატარდება „მენეჯმენტის სკოლი“ ოფისში, ათონელის ქ. 25-ში. დამატებითი ინფორმაცია იხილეთ ბმულში.

დაწვრილებითი ინფორმაცია

პროეტის „მართე შენი ჯანმრთელობა“ მონაწილეებს სერთიფიკატები გადაეცათ

2011 წლის 11 ნოემბერს, სამოქალაქო ინსტიტუციონალიზმის განვითარების ფონდის აღმასრულებელი დირექტორი და აღმასრულებელი დირექტორის მოადგილე ესწრებოდნენ პროეტის „მართე შენი ჯანმრთელობა“ დაჯილდოების ცერემონიალს. პროექტი განხორციელდა ,,საქართველოს ახალგაზრდა მედიკოსთა კავშირი’’-ს მიერ, ფონდის ფინანსური მხარდაჭერით.

პროეტის „მართე შენი ჯანმრთელობა“ ფარგლებში მოხდა მონაწილე სკოლების მოსწავლეებისათვის სერთიფიკატებისა და სამახსოვრო საჩუქრების გადაცემა. პროექტის მიზანი ახალგაზრდებში ცხოვრების ჯანსაღი წესის პოპულარიზაციაა, ასევე მათი უკეთ გაცნობიერება იმ საკითხებში რომელიც ცხოვრების ჯანსაღ წესთან და მის მნიშვნელობასთანაა დაკავშირებული. ასევე მოხდა პროექტის შედეგების საბოლოო შეჯამება და იმ პრიორიტეტების დასახვა რომელიც მომავალში უკეთ განხორციელებას შეუწყობს ხელს.

პროექტის მხარდამჭერია ,, საქართველოს განათლებისა და მეცნიერების სამინისტრო’’.

სამოქალაქო ინსტიტუციონალიზმის განვითარების ფონდის წარმომადგენლები შემსწავლელი ვიზიტით ბრიტანეთში იმყოფებოდნენ.

2011 წლის 21- 24 ოქტომბერს, სამოქალაქო ინსტიტუციონალიზმის განვითარების ფონდის წარმომადგენლები შემსწავლელი ვიზიტით ბრიტანეთში იმყოფებოდნენ.

ვიზიტის მიზანს წარმოადგენდა ბრიტანეთში არსებული ფონდებისა და არასამთავრობო ორგანიზაციების მონახულება, გამოცდილების გაზიარება, მომავალში ერთობლივი პროექტების დაგეგმვა და განხორციელება. ამავე ვიზიტის ფარგლებში მოხდა სამოქალაქო ინსტიტუციონალიზმის განვითარების ფონდის საქმიანობის გაცნობა ბრიტანელი კოლეგებისთვის და სამომავლო ურთიერთთანამშრომლობის გზების დასახვა.

შეხვედრები გაიმართა ბრიტანეთის საგარეო საქმეთა სამინისტროში, კერძოდ კი საგარეო და თანამეგობრობის ოფისში (Foreign and Commonwealth Office), საერთაშორისო განვითარების განყოფილების (DFID) სხვადასხვა დეპარტამენტების წარმომადგენლებთან, ასევე ისეთ საერთაშორისო არასამთავრობო ორგანიზაციებთან, როგორიცაა: BOND, Overseaseas development office (ODI), Independent Commission for Aid და სხვა.

სამოქალაქო ინსტიტუციონალიზმის განვითარების ფონდი ქვემო ქართლის არასამთავრობო სექტორს შეხვდა

13 ოქტომბერს, სამოქალაქო განვითარების სააგენტოს (CiDA) ოფისში, სამოქალაქო ინსტიტუციონალიზმის განვითარების ფონდის წარმომადგენლები ქვემო ქართლის არასამთავრობო ორგანიზაციებს შეხვდნენ.

სამოქალაქო ინსტიტუციონალიზმის განვითარების ფონდი, ქვემო ქართლში, რეგიონის არასამთავრობო ორგანიზაციებსა და თვითმმართველობებს შორის დიალოგის ხელშეწყობაზე ორიენტირებული პროექტის განხორციელებას გეგმავს.

“გვინდა, რაც შეიძლება მეტად შევუწყოთ ხელი არასამთავრობო სექტორისა და ადგილობრივი ხელისუფლების წარმომადგენელთა თანამშრომლობას, დიალოგზე დაფუძნებულ თანამშრომლობას და არა აგრესიის ან მონოლოგის ფორმატში წარმართულ ურთიერთობას. ქვემო ქართლში ეს იქნება პირველი საცდელი პროექტი და თუ წარმატებული და შედეგიანი აღმოჩნდება, სხვა რეგიონებზეც მოვახდენთ ამ შედეგების განვრცობას”, განაცხადა სამოქალაქო ინსტიტუციონალიზმის განვითარების ფონდის აღმასრულებელმა დირექტორმა ლალი ყიფშიძემ.

შეხვდრის მიზანი არასამთავრობო სექტორის წარმომადგენლებისაგან იმის მოსმენა იყო, თუ რა პრობლემები აქვთ მათ ადგილობრივ ხელისუფლებასთან ურთიერთობის კუთხით და რა არის საჭირო მათ შორის ეფექტური თანამშრომლობის მისაღწევად.

სამოქალაქო ინსტიტუციონალიზმის განვითარების ფონდმა დაფინანსებული პროექტების წარმომადგენლებისთვის ტრენინგი ჩაატარა

                 სამოქალაქო ინსტიტუციონალიზმის განვითარების ფონდმა 2011 წლის 11-15 სექტემბერს, ბათუმში სასტუმრო “სანაპიროში” თავის მიერ დაფინანსებული პროექტების წარმომადგენლებისთვის ჩაატარა 3 დღიანი პრაქტიკული ტრეინინგი შემდეგ თემებზე:

•    ლიდერობა (გუნდთან მუშაობა, ხედვის ჩამოყალიბება, წარმატების ფსიქოლოგია);
•   მოლაპარაკების ძირითადი პრინციპები (მოლაპარაკების მომზადება, პოზიციები  შედეგები, ქცევის პრინციპები);
•   საპროექტო იდეის ჩამოყალიბება (პროექტის მხარეების, შედეგების, მიზნების იდენტიფიკაცია, პროექტის მონახაზის მომზადება, პროექტის წარდგენა);
•    პროექტის მიზნების დასახვა და შედეგების შეფასება.

ტრენინგს უძღვებოდა „მართვის აკადემიის“ დამფუძნებელი ბ-ნი სანდრო ჯეჯელავა. დამსწრე აუდიტორიამ გამოთქვა კმაყოფილება ტრენინგის თემატიკისა და მასზე მიღებული ინფორმაციის შესახებ. მონაწილეებმა ასევე გამოხატეს სურვილი, რომ ხშირად დაესწრონ ამავე ტიპის პრაქტიკულ და გამოყენებით უნარ-ჩვევებზე ორიენტირებულ ტრენინგებს.

სამოქალაქო ინსტიტუციონალიზმის განვითარების ფონდი სათემო ორგანიზაცია „ლელი პირველი“-ს პრეზენტაციაზე

2011 წლის 1 ოქტომბერს, სამოქალაქო ინსტიტუციონალიზმის განვითარების ფონდის წარმომადგენლები დაესწრნენ სათემო ორგანიზაცია „ლელი პირველი“-ს მიერ ფონდის 2011 წლის პირველი საგრანტო კონკურსის ფარგლებში დაფინანსებული პროექტის „ქალი და განათლება“ შედეგებისა და ზოგადად, ორგანიზაციის მიერ განხორციელებული პროექტების პრეზენტაციას. ორგანიზაცია „ლელი პირველი“ სანიმუშოდ იყენებს ადგილობრივი ახალგაზრდების პოტენციალს მოხალისეობრივ საწყისებზე, რაც შეიძლება, საუკეთესო მაგალითიც იყოს საქართველოში მოხალისეობის კულტურისა და ინსტიტუტის დასამკვიდრებლად.

“სამოქალაქო ინსტიტუციონალიზმის განვითარების ფონდმა” 2011 წლის მეორე საგრანტო კონკურსი გამოაცხადა

   “სამოქალაქო ინსტიტუციონალიზმის განვითარების ფონდი” აცხადებს 2011 წლის მეორე საგრანტო კონკურსს. კონკურსში მონაწილეობა შეუძლიათ საქართველოში მოქმედ არასამთავრობო ორგანიზაციებსა და საინიციატივო ჯგუფებს.
   სამოქალაქო ინსტიტუციონალიზმის განვითარების ფონდი განსაკუთრებით მიესალმება ღონისძიებებს, რომელიც მიმართულია საქართველოს რეგიონებსა და თემებში არსებული პრობლემების გადასაწყვეტად.
   თითოეული საპროექტო განაცხადის მიერ მოთხოვნილი თანხა არ უნდა აღემატებოდეს 10000 ლარს. ფონდი უპირატესობას მიანიჭებს დაბალბიუჯეტიან და შედეგზე ორიენტირებულ საპროექტო განაცხადებს. სრული ინფორმაციის მისაღებად, გთხოვთ ეწვიოთ საიტის კონკურსების გვერდს.

საერთაშორისო კონკურსის „EuropaSecura“ –ს გამარჯვებულები საქართველოს პრაღაში წარმოადგენენ

2011 წლის 15 ივლისს, საერთაშორისო კონკურსის „Europa Secura“ ეროვნულ ტურში გამარჯვებულები სამოქალაქო ინსტიტუციონალიზმის განვითარების ფონდის აღმასრულებელმა დირექტორმა ლალი ყიფშიძემ და „ახალი თაობა – ახალი ინიციატივის აღმასრულებელმა დირექტორმა ქეთევან ჩაჩვამ სერთიფიკატებით დააჯილდოვა.

სამ ეტაპიანი კონკურსის შედეგად, ეროვნულ დონეზე საუკეთესო შედეგები აჩვენეს ნიკოლოზ კაპანაძემ, გიორგი წილოსანმა და ალექსანდრე ხანთაძემ. საერთაშორისო ასპარეზზე საქართველოდან გამარჯვებული კონკურსანტები 20–26 აგვისტოს პრაღაში გაემგზავრებიან.

კონკურსში „Europa Secura“ მონაწილეობას იღებს 11 ქვეყანა (ბულგარეთი, უკრაინა, ჩეხეთი, უნგრეთი, სლოვენია, პოლონეთი, სერბეთი, მეკედონია, ბოსნია და ჰერცოგონინა, ლატვია, საქართველო). კონკურსის მიზანია ახალგაზრდების ცნობიერების ამაღლება ევროკავშირის, ნატოსა და უსაფრთოხების საკითხებზე.

კონკურსი ხორციელდება „ახალი თაობა- ახალი ინიციატივის“ და ჩეხეთის „ევროპული პოლიტიკის ინსტიტუტის“ მიერ, სამოქალაქო ინსტიტუციონალიზმის განვითარების ფონდის ფინანსური მხარდაჭერით.

სამოქალაქო ინსტიტუციონალიზმის განვითარების ფონდის ფინანსური მხარდაჭერით საერთაშორისო კონკურსი „EuropaSecura“ დაიწყო

2011 წლის, 24 მაისს „სამოქალაქო ინსტიტუციონალიზმის განვითარების ფონდის“ აღმასრულებელმა დირექტორმა ქ-ნ ლალი ყიფშიძემ და „ახალი თაობა ახალი ინიციატივის“ აღმასრულებელმა დირექტორმა ქ- ნ ქეთევან ჩაჩავამ საერთაშორისო კონკურსის „EuropaSecura“ დაწყებასთან დაკავშირებით პრესკონფერენცია გამართეს.

„Europa Secura“ წარმოადგენს საერთაშორისო კონკურსს ნატოს, უსაფრთხოებისა და ევროკავშრის შესახებ. კონკურსში მონაწილეობს 11 ქვეყანა (ბულგარეთი, უკრაინა, ჩეხეთი, უნგრეთი, სლოვენია, პოლონეთი, სერბეთი, მაკედონია, ბოსნია და ჰერცოგოვინა, ლატვია, საქართველო) და მისი მიზანია მე-9–12 კლასის მოსწავლეებისათვის ცნობიერების ამაღლება ნატოს, უსაფრთხოებისა და ევროკავშირის შესახებ. საქართველო კონკურსს წელს პირველად შეუერთდა. კონკურსის საშუალებით ქართველ ახალგაზრდებს მიეცემათ საკუთარი თავისა და ქვეყნის წარმოჩენის შესაძლებლობა ეროვნულ და საერთაშორისო ასპარეზზე. კონკურსში ეროვნულ დონეზე გამარჯვებული სამი წარმატებული მონაწილე ფინალურ ეტაპზე პრაღაში იმოგზაურებს, სადაც უცხოელ თანატოლებთან ერთად სხვადასხვა სახის ტრენინგ-სემინარებსა და კულტურულ ღონიძიებებში მიიღებს მონაწილეობას.

კონკურსი ხორციელდება „ახალი თაობა- ახალი ინიციატივისა“ და ჩეხეთის „ევროპული პოლიტიკის ინსტიტუტის“ მიერ, სამოქალაქო ინსტიტუციონალიზმის განვითარების ფონდის ფინანსური მხარდაჭერით.

სამოქალაქო ინსტიტუციონალიზმის განვითარების ფონდმა თბილისის საერთაშორისო სტუდენტური კინოფესტივალი "ამირანი" დააფინანსა

    საქართველოს შოთა რუსთაველის თეატრისა და კინოს სახელმწიფო უნივერსიტეტის ორგანიზებით, თბილისის საერთაშორისო სტუდენტური კინოფესტივალი „ამირანი“, წელს 17-21 მაისს გაიმართა.

   სელექციის შედეგად, ფესტივალის ძირითად საკონკურსო პროგრამაში მოხვდა კინოსკოლების ნამუშევრები შემდეგი ქვეყნებიდან: აშშ, გერმანია, თურქეთი, უკრაინა, ესპანეთი, პორტუგალია, სლოვაკეთი, ლატვია, ბულგარეთი, ლიტვა, სომხეთი, აზერბაიჯანი, სამხრეთ აფრიკა, ირანი, პოლონეთი, რუსეთი, საქართველო და ა.შ. - ჯამში, 19 ქვეყნის სხვადასხვა კინოსკოლის 48 სტუდენტური ნამუშევრიდან 4 პრიზიორი და 5 დიპლომანტი გამოვლინდა.

2011 წლის ფესტივალის მხარდამჭერები იყვნენ: ქალაქ თბილისის მერია, საქართველოს კინემატოგრაფიის ეროვნული ცენტრი, სამოქალაქო ინსტიტუციონალიზმის განვითარების ფონდი, ფრანგული ინსტიტუტი, ისრაელის საელჩო, გოეთეს ინსტიტუტი, შვეიცარიის საელჩო, ფონდები „ცის ხიდი“ და „ტატო“.
ფესტივალის პარტნიორები იყვნენ: „თიბისი ბანკი“, „კაუკასუს ონლაინი“, „აი სი ჯგუფი“, „Red Bull”, „ასკანელი ძმები“, „სარაჯიშვილი“, „კაპაროლი“, „ნაბეღლავი“, „პელე“ და „გურიელი“.

More Articles...

სამოქალაქო ინსტიტუციონალიზმის განვითარების ფონდმა მედიისა და არასამთავრობო სექტორის წარმომადგენლებისათვის ტრენინგი გამართა
“სამოქალაქო ინსტიტუციონალიზმის განვითარების ფონდმა” 2011 წლის პირველი საგრანტო კონკურსი გამოაცხადა
საგრანტო კონკურსის განაცხადის ელექტრონული რეჟიმი
„არასამთავრობო სექტორის განვითარების ხელშეწყობის" პროექტი ბაკურიანში